Mahe Rabi’ Al-Awwal Hai

Sallay Ala Ke Dhoom Machawo, Mahe Rabi’ Al-Awwal Hai.
Youm-E-Wiladat Khoob Manawo, Mahe Rabi’ Al-Awwal Hai.

Jin Kay Karam Nay Meri Jabeen Ko, Zowkay Ibadat Baksha Hai.
Aisay Nabi Ka Jashn Manawo, Mahe Rabi’ Al-Awwal Hai.

Raat Ki Rani Taiba Jana, Phoolon Sai Bhi Keh-Dena.
Mere Nabi Ke Khusboo Lawo, Mahe Rabi’ Al-Awwal Hai.

Do Do Eidain Humko Mili, Milad-E-Nabi Ke Sadke Mein.
Apnay Nabi Ka Jashn Manawo, Mahe Rabi’ Al-Awwal Hai.

Rahmat-E-Alam Noore Mujassam, Shafa E Mehshar Ayai Gai.
Masjid-O-Mimbar Khoob Sajawo, Mahe Rabi’ Al-Awwal Hai.

Sari Khushiyan Humko Mili, Milad-E-Nabi Ke Sadke Mein.
Aaj Kisi Ka Dil Na Dukhawo, Mahe Rabi’ Al-Awwal Hai.

Aap Kai Aashiq Ka Seena Hai, Ye To Koh-E-Toor Nahi.
Parda Rukhe Anwar Sai Hatawo, Mahe Rabi’ Al-Awwal Hai.

Jashn-E-Nabi Hai Khusyan Manawo, Aao Khalil-E-Ashrafi Aao.
Apnay Nabi Ke Naat Sunawo, Mahe Rabi’ Al-Awwal Hai.

Naat Sharif written by Khalifa-e-Huzoor Shaykh Ul Islam Madni Mian, Moulana Khalil Athar Ashrafi Rampuri Rahmatullah Alayh.