Jashnay Eiday Bharaween Mana

Jashnay Eiday Bharaween Mana, Agayay Huzoor Agayay
Dilko Apnay Ayeena Bana, Agayay Huzoor Agayay

Aasamaan say bholey yai zameen, merai jaisa ab koi nahin
Agayay hain mujhe main mustafa, Agayay Huzoor Agayay

Jab nabi huway hai jalwaghar, bhoot ghirai hain sab zameen par
kabahtullah paak ho gaya, Agayay Huzoor Agayay

Farash say ta arsha dekhiyay, marhaba ke dhoom hain machey
Hoor-o-ghilma nai bhi yai kaha, Agayay Huzoor Agayay

Ho mubarak Amena kai ghar, agayay shafiyay behrobar
Ghoodh main tumharai Amena, Agayay Huzoor Agayay

Door sarey muskilay huween, rehmatoon ke barishay huween
Bowl uthi Halima Sadia, Agayay Huzoor Agayay

Naaz kar tu Faruq Ashrafi, tuhain sanakhanay nabi
(Naaz kar Nizam Ashrafi, tuhain sanakhanay nabi)
Tu ghulam unka hogaya, Agayay Huzoor Agayay

Huzoor Jaante Hain.

Jo ho chuka hai jo hoga, huzoor jante hain,
Teri aata say Khudaya, huzoor jaante hain.

Khuda ko dekha nahin aur eik maan liya,
Ke jantay thay sahaba, huzoor jantay hein.

Munafiqoon ka aqeeda woh gaibdaan nahin,
Aur sahabiyoon ka aqeeda, huzoor jantay hain.

Aie ilm e ghaib kay munkir Khuda ko dekha hai?
Aur tujhay bhi kehna padega, huzoor jante hain.

Khabar bhi hai? ke khabar sabki hai unhein kab say,
Ke jab na ab tha na kab tha, huzoor jante hain.

 

Kai unke haath mein kya kya tujhe khabar na mujhe,
Khuda nay kitna nawaza, huzoor jante hain.

Woh mominoon ki to janoon say bhi kareeb huye,
Kahan say kisnay pukara, huzoor jante hain.

Isiliye to sulaya hai apne pehlu mein,
Ke yaar e ghar ka rutba, huzoor jante hain.

Umar nay tan say juda kar diya tha sar jis ka,
Woh apna hai ke paraya, huzoor jante hain.

Nabi ka faisla na maan kar woh jaan say gaya,
Mizaaj Umar ka hai kaisa, huzoor jante hain.

Wohi hai paikar e sharm o haiya o zul nuraian,
Maqaam unki haya ka, huzoor jante hain.

Hain jiske moula huzoor uske hain Ali moula,
Abu Turab ka rutba, huzoor jante hain.

Yeh khud shaheed hain, betay nawasay potay shaheed,
Ali ki shaan e yagana, huzoor jante hain.

Main unki baat karoon yeh nahin meri auqaat,
Ke shaan e Fatma Zahra, huzoor jante hain.

Jina mein kaun hain sardaar nojawanoon kay,
Hasan, Hussain ke nana, huzoor jante hain.

Malaika ne kiya youn to sajda Adam ko,
Dar asal kis ko tha sajda, huzoor jante hain.

Kahan marein gay Abu Jahal o Utba o Sheiba,
Ke Jang e Badr ka naqsha, huzoor jante hain.

Woh kitna fasla tha, aur kalaam tha kaisa,
Aao adna aur ma aaoha, huzoor jante hain.

Milay thay rah mein 9 bar kis liye Musa,
Yeh deed e haq ka bahana, huzoor jante hain.

Main chup khara houn Mawaja pay sar jhukaye huye,
Sunaoon kaise fasana, huzoor jante hain.

Chupa rahe hai lagatar mere aiyboon ko,
Main kis qadar houn kameena, huzoor jante hain.

Khuda hi jaanay UBAID unko hai pata kiya kiya,
Hamein pata hai bus itna, huzoor jante hain.

Nahi hai zaad e safar pass jin ghulamoon ke,
Unhein bhi dar pe bulana, huzoor jante hain.

Haran ne oonth ne chiryoon ne ki yehi faryaad,
Ke unkay gham ka madawa, huzoor jante hain.

Teri aata say Khudaya, huzoor jaante hain.

Nahi hai zaad e safar pass jin ghulamoon ke,
Unhein bhi dar pe bulana, huzoor jante hain.

Teri aata se Khudaya, huzoor jaante hain.

Main unki baat karoun yeh nahin meri auqaat,
Ke shaan e Fatma Zahra, huzoor jante hain.

Teri aata se Khudaya, huzoor jaante hain.

Maray angariyen awo sarkaar (Gujrati Naat Sharif)

Maray angariyen awo sarkaar

Madinah varaa saanvariah

Aapo darshan aavee ik vaar

Madinah varaa saanvariah

 

Kem veetawoo majham raato

Kounrey sunawu dhukh nee vaato

Kaun beejhu che maaru ghumkhar

Madinah varaa saanvariah

 

Maray angariyen awo sarkaar

Madinah varaa saanvariah

 

Nooray mujassam zaat tamhari

Kareedo rowshan koi raat maarhi

Kadi sapna ma aapo deedar

Madinah varaa saanvariah

 

Maray angariyen awo sarkaar

Madinah varaa saanvariah

 

Darshan bas thay jaayah jevan ma

Rahee na jaayah man nee man ma

Mara dilbar mara dildaar

Madinah varaa saanvariah

 

Maray angariyen awo sarkaar

Madinah varaa saanvariah

 

Maara kamli wara aqaa

Jaey na doobi assanee nowka

Awo jaldhi bachawo sarkar

Madinah varaa saanvariah

 

Maray angariyen awo sarkaar

Madinah varaa saanvariah

 

Fatimah Zehra na sadqa ma

Daee Halimah na sadqa ma

Darsh tanvir ne apo sarkar

Madinah varaa saanvariah

 

Maray angariyen awo sarkaar

Madinah varaa saanvariah

 

Yeh Rifat-e-Zikar-e-Mustafa Hai

Yeh Rifat-e-Zikar-e-Mustafa Hai,Nahi Kissi ka Maqam Aisa

Jo Baad Zikr-e-Khuda Hai Afzal Hai Zikar-e-Khair Ul Anam Aisa

Dar-e-Nabi Par Yeh Umar Beete Ho Mujhpe Lutf-e-Dawam Aisa

Madine Wale Kahain Maqami Ho Unke Dar Par Qayam Aisa

Labon pe Naam-e-Nabi Jab Aaya Guraiz Pan Hadson Ko Paya

Jo Taal Deta Hai Mushkilon Ko Mere Nabi Ka Hai Naam Aisa

Mujhi ko Dekho Woh Betalab hi Nawazte Ja Rahe Hain Paihum

Na Mera Koi Amal Hai Aisa Na Mera Koi Hai Kaam Aisa

Bilal Tujpar Nisar Jaaon Ke Khud Nabi Ne Tujhe Khareeda

Naseeb Ho Tu Naseeb Aisa Ghulam Ho Tu Ghulam Aisa

Hain Jitne Aqal-o-Khirad ke Daawe Sab Unki Gard-e-Safar Main Gum Hain

Koi Bhi Ab Tak Samajh Na Paya, Hai Mustafa Ka Maqam Aisa

Ke Namaz Aqsa Main Jab Parhayi Tu Ambiya-o-Rusool Yeh Bole

Ke Namaz Ho To Namaz Aisi Imam Ho To Imam Aisa

Main Khalid APne Nabi Pe Qurban Hai Jis ka Khulq-e-Azeem Qura’n

Salamti Ki Jo Hai Zamanat Woh Le ke Aaye Nizam Aisa

Kya khabar kya saza mujh ko milti

Kya khabar kya saza mujh ko milti, Mere Aqa ne izzat bachali
Farde isiyan meri mujh se le kar, Kali Kamli mein Apni chupali

Woh aata par ata karne wale, Aur ham bhi nahin talne wale
Jaisi deodi he waise bhikari, Jaisa Data hein waise sawali

Mein ghada hoon magar kis ke dar ka, Woh jo Sultan-e-Kono Makan hein
Yeh Ghulami bari mustanad he, Mere sar par he taj-e-Bilali

Mein Madine se kya agaya hun, Zindagi jaise bujh si gayi hai
Ghar ke andar faza soni soni, Ghar key bahar sama khali khali

Meri Umr-e-Rawan bas thehar jaa, Ab safar ki zuroorat nahin hai
Unke qadmon mein meri jabeen hai, Aur haathon mein Roze ki Jali

Mein faqat naam lewa hun Unka, Unki tawseef mein kya karoonga
Mein na Iqbal, Khusro na Saadi, Mein na Qudsi na Jami na Hali

Thee Jiskay Muqadar Main Gadaye Teray Dar Ki

Thee Jiskay Muqadar Main Gadaye Teray Dar Ki

Qudrat Ne Ussey Rah Dikhaye Teray Dar Ki

Yai Arz-o-Samawaat Teri Zaat Ka Sadqa

Mohtaj Hain Yai Sarey Khudayeeh Teray Dar Ki

Phir Usnay Koi Aur Tasawur Nahi Bandha

Humnay Jisay Tasweer Dikhaye Teray Dar Ki

Roya Hoon Main Us Shaks Kay Kudmon Say Lipat Kar

Jisnai Bhi Koi Baat Sonaye Teray Dar Ki

Panay Ko To Khursheed-o-Kamar Charkh Nai Payain

Kya Paya Agar Khakh Na Payi Teray Dar Ki

Aya Hai Naseer Aaj Tamana Yehi Lay Kar

Pulkon Say Kiye Jawoon Safaye Teray Dar Ki

Koo-e-Nabi se aana sa ke ham,rahat hi kuch aisi thi

Koo-e-Nabi se aana sa ke ham,rahat hi kuch aisi thi
Yaad rahi na jannat hamko, jannat hi kuch aisi thi

Takte rahe Yusuf jaise bhi hashr mein unke chehre ko
Jab poocha to kehne lage woh, surat hi kuch aisi thi

Bolo eh Jibreel ke unki kyun kar taliyan choomi thi
To kehne lage Jibreel ke unki azmat hi kuch aisi thi

Duniya me sarkar ki naat parte rahe har ik lamha
Qabr me bhi thi naat labon parr, aadat hi kuch aisi thi

Akbar-o-asghar aur yeh ghazi deen pe ware has has kar
Yun lagta he deen-e-nabi ki keemat hi kuch aisi thi

Paas bulaya, paas bithaya, arsh pe unko khaliq ne
Yeh to aakhir ho nahi tha, chahat hi kuch aisi thi

Qabr mein hakim jab pohnche to has ke nakeeron ne dekha
Kyun na farishte pyaar se milte, nisbat hi kuch aisi thi

Basa huwa he Nabi ka dyar aankhon mein

Basa huwa he Nabi ka dyar aankhon mein

Sajaye baitha hun ek jalwa zaar aankhon mein

 

Dyar-e-paak ka har manzar-e-haseen-o-jameel

Ruhe ga Kaa’ba qaza yaad gar aankhon mein

 

Ab iss se barh ke koi surma aur kya ho ga

Samait laya hun mein kuch ghubar aankhon mein

 

Bagher dekhe Madinah inhe nazar aaya

Hein munfarid meri aankhe hazaar aankhon mein

 

Tarap he dil mein Madine ke jalwa zaron kee

Aur intizar-e-safar beqaraar aankhon mein

 

Sunaonga woh kahani Huzoor ko ja kar

Chupaye baitha hun jo ashkbar aankhon mein

 

He e’etmad bhi Iqbal ko shafa’at par

Saza ka khawf bhi he gunahgar aankhon mein

Yaad-E-Mustafa aisi bas gayi he seene mein

Yaad-E-Mustafa aisi bas gayi he seene mein
Jism ho kahin apna dil to hai Madine mein

Kon he ye deewana kis ka he ye deewana
Hashar mein bhi kehta he jaana he Madine mein

Kon si jaga un ke aashiqon say khaali he
Har jaga he parwane shamma he Madine mein

Mere kamli wale ka ghar to he Madine mein
Haa magar wo rehte hein aashiqon ke seene mein

Baad mere marne kay har zubaan pay charcha tha
Aadmi to acha tha margaya Madine mein

Kaash un ke kuuche se layenge saba peghaam
Chal tujhe bulaate mein Mustafa Madine mein

Main to khud Unke dar ka gada hoon

Main to khud Unke dar ka gada hoon,
Apne AQA ko main nazr kya doon.
Ab to aankhon mein bhi kuchh nahin hai,
Varna qadmon mein aankhein bichha doon.

Aane waali hai unki sawari,
Phool naaton ke ghar ghar saja doon.
Mere ghar mein andhera bohot hai,
Apni palkon pe shamme jala doon.

Rauza-e-paak pesh-e-nazar hai,
Saamne mere AQA ka dar hai.
Mujhko kya kuchh nazar aa raha hai,
Tumko lafzon mein kaise bata doon.

Mere aansu bahut kheemti hain,
Inse waabasta hai unki yaadein.
Inki manzil hai khak-e-madeena,
Ye gohar yun hi kaise luta doon.

Main faqat Aap ko jaanta hoon,
Aur usi dar ko pehchanta hoon.
Is andhere mein kisko pukaroon,
Aap farma’aein kisko sada doon.

Qaafilay jaa rahe hain Madeene,
Aur hasrat se main tak raha hoon.
Ya lipat jaoon qadmon se unke,
Ya qaza ko main apni sada doon.

Meri bakhshish ka saamaan yahi hai,
Aur dil ka bhi armaan yahi hai.
Ek din Unki khidmat mein jaakar,
Unki naatein unhi ko suna doon.

Mujhko IQBAAL nisbat hai unse,
Jinka har lafz jaan-e-sukoon hai.
Main jahaan naat apni suna doon,
Saari mehfil ki mehfil jaga doon.